Sunday, December 14, 2008

BENGANG, BENGANG - LAST LAST BANGANG BENGONG

Aduh, bengong - pening kepala ku memikir - nda juga mau pikir ni tapi entahlah - urang mengadu-adu sama aku bikin pusing aku punya otak. Aku ni bangsa nda suka pikir benda-benda yang sulit - bukan sulit yang itu lah ngong ! Sulit benda susah, rumit, osupot tutokku ti. Hey babu kenapalah ko sms aku barang yang bikin susah pikiran ni?
Sudahlah aku dari pagi sampai tengahari nda da kerja lain, mencucu baju je. Entah siapa-siapa je punya baju ni - macam bukan pun baju si Sly ni?
Kadang-kadang aku pikir perempuan ni memang buduhlah. Sanggup susahpayah - cemburukan urang yang entah-entah apa-apa - nda nda juga, ish. Talingngong. Nda susah cari masaalah oiiiii budu!!!! Kan bagus kalu pikir benda-benda yang mendatangkan faedah. Pigi mesjid kah - surau kah! dapat juga pahala atau pigi shoping ke - jalan-jalan cuci mata - lain kali aku ikut ko la Faye pi jalan-jalan makan angin. Aduuuuuiiiii sakit sudah ku punya belakang ni - tensyon - aku pun buduh juga - mau tensyon tensyon.........
Lelaki/suami - adaah punca segala masaalah namun wanita tak dapat hidup tanpa lelaki - betul kah ni? - he he he macam nda pun kannnnnnnnn?

6 comments:

Aiso said...

wuik... tension berabis ooo. istedi bos... tarik nafas dalam dalam... hold... exhale slooooowly. imagine semua mental toxic, negative feeling drain out juga... fresh... aaahhh...

KAK JAYN said...

talamapau beracun juga sms yang ko terima itu sampai ko tension(baca tonsion)? hehehehe....

AragangTandik said...

Ia ba... Jayn ...aku ni pun nda tau mau bikin apa - takut nanti dibilang urang ikut jaga tepi kain urang? Entahlah ... aku puji ko ... memang wanita yang tabah ...Women power ....we can stand alone kaaaaan? Aiso berabis suda aku tarik napas paaaaannnnjjjjjaaaaaggggg ni. Astagafirullah ..... hey nah merapu suda aku ni.

MUFAKIRALAM said...

sabar saja bu selagi bisa sabar. Yakin bisa bu. InsyaAllah

MUFAKIRALAM said...
This comment has been removed by the author.
Kak Jayn said...

aku tau suda alkisahnya. sabar sajalah. fe'el manusia ni mcm2.

bagus lagi ko baca ini.

http://the-antics-of-husin-lempoyang.blogspot.com/2008/12/tak-pekak-untuk-dicuba.html