Sunday, November 2, 2008

JUAL AISKRIM ?

Bila aku baca cerita kee heritage kisah dia jualan di skool teringat aku alkisah aku sama c babu Obung. Aku sama babu Obung ni nda lah jauh beza umur kami - aku muda sikitla dari dia dua kah tiga tahun. Satu hari, waktu tu aku masih sekolah rendah, aku bilang sama c babu.

Aku: "Mari kita jual kui" -
Babu: "'Bah, ko pandai ka bikin kui?"
Aku: "Pandai bah, kita bikin kui pais ubi"

Apa lagi kami pun mengambil lah ubi kayu sama daun pisang. Senyap-senyap kami dua urang didapur di nenek (Ado' Uriyim) memarutlah konon ubi - banyak lagi tu. Sudah tu kami campur gula pasir, kemudian bungkus didaun pisang dan rebus dalam periuk. Pagi-pagi lagi kami minta kalau aku ndak lupa suruh (arwah) si Makibin bawa pigi skool. Oleh telampau tamaha, nda ba kami rasa tu kui, konon-konon mau dapat duit banyak. Sekali petang sudah si Kibin antar tu kui kami satu bakul masih lagi penuh - ndak laku. Budu punya keraja. Nda lagi menanya-nanya apa macam mau bikin tu kui - macam pandai saja. Nah kan ndak laku - sekali kami rasa cheh ! nda sedap bah - tawar.

4 comments:

Kee Heritage said...

hehehe... kesiannya. sekarang pandai sudah kakak bikin tu kuih?

AragangTandik said...

woi na kalu pais saja pandai juga ba pula. Rupa-rupanya dicampur pula tu sama kelapa siiiikit. Lagi bagus kalu ditaruh gula merah.

BUNG ADI said...

mamaku (babu obung mu) pun pandai suda bikin kui terutama pinjaram. He3x. sory kacau daun.

BUNG ADI said...

oya, aku suka baca kisah2 orang2 lama mcm....(he3X). sesuatu yang nostalgic memang unik dan menarik. Bikin sayu2 hati apatah lagi bila mengenang orang yang sudah pergi. Saya harap kitorang selalu dapat reunion di kg, walaupun simpol2...